ఆసుపత్రి నుంచి కమల్ హాసన్ డిశ్చార్జి ...

మక్కళ్‌ నీది మయ్యం పార్టీ అధ్యక్షుడు, యూనివర్సల్ హీరో కమల్ హాసన్ 2016 లో ఆఫీసులో మెట్ల మీద కాలు జారిపడడంతో కుడి కాలికి గాయమైంది. అప్పుడు వైద్యులు ఇంప్లాంట్ అమర్చారు. కాగా ఈ నెల 22న సర్జరీ ద్వారా ఆయన కాలులో ఉన్న ఇంప్లాంట్‌ను తొలగించుకున్న సంగతి తెలిసిందే.  శ‌స్త్ర చికిత్స విజ‌య‌వంతంగా పూర్తి కావ‌డంతో ఆయ‌న ఇంటికి చేరుకున్నారు. కుటుంబ స‌భ్యులు క‌మ‌ల్‌కి హార‌తి ఇచ్చి స్వాగ‌తించారు. నెల రోజుల పాటు విశ్రాంతి తీసుకోనున్న క‌మ‌ల్ ఆ త‌ర్వాత ఇండియ‌న్ 2 చిత్ర షూటింగ్‌లో పాల్గొన‌నున్నారు. నిజానికి ఈ స‌ర్జరీ ఎప్పుడో చేయించుకోవల‌సి ఉన్నప్ప‌టికి, సినిమాలు, రాజ‌కీయాల‌తో ఉన్న బిజీ వ‌ల‌న వాయిదా ప‌డింది. ఉల‌గ‌నాయ‌న్ క‌మ‌ల్ హాస‌న్ ఇటీవ‌ల భార‌తీయ సినిమాలో 60 సంవ‌త్స‌రాలు పూర్తి చేసుకున్న విష‌యం తెలిసిందే.