(Local) Sat, 23 Oct, 2021

చిన్నారి అభిమాని మరణం...ఎమోషనల్ లో బాలకృష్ణ

October 18, 2019,   5:53 PM IST
Share on:
చిన్నారి అభిమాని మరణం...ఎమోషనల్ లో బాలకృష్ణ

ఈ మధ్య వాతావరణంలో పలు మార్పుల కారణంగా చాల వరకు వైరల్ ఫీవర్ లు, దోమల మూలాన డెంగీ జ్వరాల బారినపడి చాల మంది ప్రాణాలు కోల్పోతున్న సంగతి తెలిసిందే. అయితే ఈ డెంగీ కారణంగా బాల నటుడు గోకుల్ సాయికృష్ణ మరణించిన సంగతి విదితమే... నందమూరి బాలకృష్ణ వీరాభిమాని అయిన గోకుల్ బాలయ్య నటించిన చిత్రాల్లోని పలు పవర్ ఫుల్ డైలాగులు చెప్తూ నందమూరి అభిమానులను ఆకట్టుకునేవాడు. తనను అందరూ నందమూరి అభిమానులు ‘జూనియర్ బాలయ్య’ అని పిలుస్తుంటారు. గోకుల్ డెంగ్యూతో బాధపడుతూ బెంగళూరులోని ఓ ప్రైవేటు హాస్పటల్‌లో కన్నుమూసాడు. గతంలో గోకుల్ తన అభిమాన నటుడు బాలకృష్ణను కలిసి ఆయన ఆశీర్వాదం కూడా తీసుకున్నాడు. చిన్నారి గోకుల్ మరణంతో బాలయ్య ఒకింత భావోద్వేగానికి గురయ్యారు ఈ సందర్భంగా తన బాధను అభిమానులతో పంచుకున్నారు. ‘మాకు అభిమానుల కంటే విలువైనది మరొకటి ఉండదు. అలాంటి చిన్నారి అభిమాని గోకుల్. నేనంటే ప్రాణం ఇచ్చే ఈ చిన్నారి ఈ రోజు ప్రాణాలతో లేడన్న నిజం నా మనసును కలచివేసింది. అతడు డైలాగులు చెప్పిన విధానం.. హావభావాలు చూసి నాకు ఎంతో ముచ్చటేసేది’.....‘ఎంతో భవిష్యత్తు ఉన్న ఈ చిన్నారి ఇంత చిన్న వయసులో డెంగ్యూ వ్యాధితో ఈ లోకాన్ని విడిచి వెళ్లడం చాలా బాధ కలిగించింది. ఈ చిన్నారి ఆత్మకు శాంతి కలగాలని కోరుకుంటూ.. అతని కుటుంబానికి నా ప్రగాఢ సానుభూతి తెలియజేస్తున్నాను’.. అంటూ బాలయ్య సోషల్ మీడియాలో భావోద్వేగపు పోస్ట్ చేశారు. గోకల్ మృతికి బాలకృష్ణ అభిమానులు సోషల్ మీడియా ద్వారా పెద్ద ఎత్తున సంతాపం తెలియజేస్తున్నారు. 

సంబంధిత వర్గం
డిసెంబ‌ర్ 20న వస్తున్న `రూల‌ర్‌`...
డిసెంబ‌ర్ 20న వస్తున్న `రూల‌ర్‌`...

Copyright 2018 - 2020 www.telugudaily24.com. All rights reserved.