వింటేజ్ లుక్‌లో వెంకటేష్ 'ఎన్నాళ్ల‌కో..` సాంగ్

సురేశ్ ప్రొడక్షన్స్, పీపుల్ మీడియా ఫ్యాక్టరీ పతాకాలపై డి.సురేశ్‌బాబు, టిజి విశ్వప్రసాద్ నిర్మాణంలో విక్టరీ వెంకటేష్, యువసామ్రాట్ నాగచైతన్య, కథానాయకులుగా, పాయల్ రాజ్‌పుత్, రాశీఖన్నా, హీరోయిన్స్ గా తెరకెక్కుతున్న చిత్రం ‘వెంకీ మామ’. ఇదివరకే మామ అల్లులైన వెంకటేష్, నాగ చైతన్య ప్రేమమ్ చిత్రంలో కలిసి ఒక సీన్ లో నటించారు. అయితే ఇప్పుడు ఈ మామ అల్లుళ్లు కలిసి ఫుల్ లెన్త్ మూవీలో నటించడం విశేషం. ఈ చిత్ర నుండి ఇటీవల రిలీజ్ చేసిన టైటిల్ సాంగ్‌కి మంచి స్పందన వస్తోంది. తాజాగా శనివారం ‘ఎన్నాళ్లకో’ అంటూ సాగే మరో పాట విడుదల చేశారు. మ్యూజిక్ సెన్సేషన్ థమన్‌కి పుట్టినరోజు శుభాకాంక్షలు తెలియచేస్తూ ఈ లిరికల్ సాంగ్ రిలీజ్ చేశారు.

తమన్ ట్యూన్, శ్రీమణి లిరిక్స్, పృథ్వీ చంద్ర వాయిస్ సాంగ్‌కి ప్లస్ అయ్యాయి.. ‘ఈ ముల్లేదో 20 ఏళ్ల క్రితమే గుచ్చుకుని ఉంటే’.. అంటూ చైతూ ఇమాజినేషన్‌లోకి వెళ్లడంతో సాంగ్ స్టార్ట్ అవుతుంది.. వెంకీ మామ లేటు వయసులో ప్రేమలో పడే నేపథ్యంలో ఈ పాట రూపొందింది. ఎన్నాళ్లకో.. అనే పల్లవితో సాగే ఈ పాటలో వింటేజ్ లుక్‌లో వెంకటేష్, పాయల్ రాజ్‌పుత్ ఆకట్టుకుంటున్నారు. 1980 బ్యాక్‌డ్రాప్‌లో సాగే రెట్రోసాంగ్ ఇది. అలనాటి జ్ఞాపకాల్ని గుర్తుకుతెస్తూ ఈ గీతం అల‌రిస్తుంది.