(Local) Wed, 23 Oct, 2019

” ఉబెర్‌ ఎయిర్‌” పేరుతో ” హెలికాప్టర్‌ సర్వీస్ ను ప్రారంభించిన ఉబెర్‌

July 10, 2019,   1:23 PM IST
Share on:
” ఉబెర్‌ ఎయిర్‌” పేరుతో ” హెలికాప్టర్‌ సర్వీస్ ను  ...

ప్రముఖ కార్ల అగ్రిగేటర్‌ సంస్థ ఉబెర్‌ తాజాగా ” ఉబెర్‌ ఎయిర్‌” పేరుతో హెలికాప్టర్‌ సర్వీసులు ప్రారంభించింది. అయితే అమెరికాలోని న్యూయార్క్ నగరంలో ఉన్న మాన్ హట్టన్ ఫైనాన్షియల్ డిస్ట్రిక్ నుంచి జాన్ ఎఫ్.కెన్నడి ఎయిర్ పోర్టు వరకూ ఈ సేవలను ప్రారంభించినట్లు కంపెనీ ప్రతినిధులు తెలిపారు. ప్రస్తుతం ఈ సేవలను ఉబెర్ డైమండ్, ప్లాటినం కస్టమర్లకు మాత్రమే పరిమితం చేశామని వెల్లడించారు. కాగా ఇందుకోసం న్యూజెర్సీకి చెందిన హెలీఫ్లైట్గ అనే సంస్థతో ఒప్పందం చేసుకున్నామని పేర్కొన్నారు. తాము రోజుకు 8 నుంచి 10 సర్వీసులను ప్రస్తుతం నడపాలని నిర్ణయం తీసుకున్నామనీ, 8 నిమిషాల ప్రయాణానికి రూ.15,000 వరకూ వసూలు చేస్తున్నామని చెప్పారు. అయితే ఈ సేవలను భారత్ సహా ఇతర దేశాలకు విస్తరించే విషయమై ఇంకా ఎలాంటి నిర్ణయం తీసుకోలేదని కంపెనీ ప్రతినిధులు అన్నారు.

సంబంధిత వర్గం

Copyright 2018 - 2019 www.telugudaily24.com. All rights reserved.