(Local) Fri, 06 Dec, 2019

"కార్తిక పౌర్ణమి విశిష్టత"...

November 12, 2019,   3:46 PM IST
Share on:

చంద్రుడు 27 నక్షత్రాలలో ప్రతినెలా పౌర్ణమి రోజున ఉండే నక్షత్రాన్ని బట్టి ఆయా నెలలకు ఆ మాసం పేరుగా ఉంటుంది. కృత్తికా నక్షత్రం పౌర్ణమి రోజున సంభవిస్తే అది కార్తీక పౌర్ణమిగా,  కార్తీక మాసంగా పేరు పొందుతుంది. ఈరోజు కార్తీక పౌర్ణమి మహా పర్వదినం. అన్ని మాసాల్లోను ఈ కార్తీక మాసానికి ఒక ప్రత్యేకత కలిగిన మాసమని వేదాలు, పురాణాలు చెబుతున్నాయి. శివ భక్తులకు ఇది మరో మహా శివరాత్రితో సమానం. ఈ కార్తీక పౌర్ణమిని దేవ దీపావళి అంటారు. ఆశ్వీయుజ బహుళ అమావాస్య మనుషులకు దీపావళి కాగా, లోక కంఠకుడు అయినటువంటి తారకాసురున్ని శివ పుత్రుడు సుబ్రమణ్య స్వామి వధించుట జరిగింది ఈరోజే. అందుకే ఈరోజు దేవ దీపావళిగా పేరుగాంచింది. ఈరోజున సమస్త దేవతలు తులసి, ధాత్రిల కళ్యాణంలోనూ, కైలాసంలో జరిగే విశేష సేవల్లో పాల్గొంటారని పురాణాలు చెబుతున్నాయి. ఈరోజు చేసే ప్రతి శుభవంతమైన పని హరిహరుల అనుగ్రహమును కలిగిస్తుంది. ఈరోజు సంవత్సరంలో ఎప్పుడు దీపారాధన చేయని వాళ్లు ఈ ఒక్కరోజు శివాలయంలో దీపం వెలిగించినా కూడా అనంత ఫలితం ఇస్తాడు మహదేవుడు అని పురాణాలు చెబుతున్నాయి.
పౌర్ణమి రోజున కేదారేశ్వర వ్రతమును చేసినట్లయితే శుభం చేకూరుతుంది. ఈరోజున సన్నిహితులకు కార్తీక పురాణ పుస్తకాలను శుభాకాంక్షలు తెలుపుతూ అందజేయటం వలన పుణ్యం లభిస్తుంది. మహిళలు తమ సౌభాగ్యం కోసం పసుపు, కుంకుమ, పుష్పము, తాంబూలాలతో పాటు కార్తీక పురాణ పుస్తకాలను దానంగా ఇవ్వడం చాలా మంచిది. ఇంకా దేవాలయాల్లో సహస్ర లింగార్చన, మహా లింగార్చనలు చేసిన వారికి సర్వశుభాలు ప్రాప్తిస్తాయని పురాణ వచనం. ఏ నది తనకు దగ్గరలో వుంటే ఆ నదిలో ప్రాతఃకాలమున స్నానము చేయవలయును. ఒకవేళ నదులు అందుబాటులో లేనప్పుడు నూతి దగ్గరగాని, చెరువు నందు గాని స్నానము చేసి దీపం వెలిగిస్తే చాలా మంచి ఫలితాలు కలుగుతాయని పురాణాలు చెబుతున్నాయి. 

సంబంధిత వర్గం
కార్తీకమాస విశేషం...పోలి స్వర్గానికి వెళ్ళుట
కార్తీకమాస విశేషం...పోలి స్వర్గానికి వెళ్ళుట

Copyright 2018 - 2019 www.telugudaily24.com. All rights reserved.