రేపు వరంగల్ పర్యటనకు కేసీఆర్

సీఎం కేసీఆర్ ఈ నెల 14న వరంగల్ రూరల్ జిల్లాలో పర్యటించనున్నారు. జిల్లాలోని శాయంపేట మండలం ప్రగతి సింగారం గ్రామానికి రానున్నారు. పరకాల టీఆర్ఎస్ ఎమ్మెల్యే చల్లా ధర్మారెడ్డి తండ్రి మల్లారెడ్డి ఈ నెల 4న అనారోగ్యంతో మృతి చెందారు. కాగా, బుధవారం దశదినకర్మ కార్యక్రమానికి సీఎం హాజరై ఎమ్మెల్యేను పరామర్శించనున్నారు. పెద్దపెల్లి జిల్లాలో ఓ కార్యక్రమానికి హాజరై అక్కడి నుంచి హెలికాప్టర్‌లో ప్రగతి సింగారం గ్రామానికి రానున్నారు. ఈ సందర్భంగా ఎమ్మెల్యే పెద్ది సుదర్శన్‌రెడ్డి, సీపీ డాక్టర్ విశ్వనాథ రవీందర్, కలెక్టర్ ఎం.హరిత హెలీప్యాడ్ స్థలాన్ని పరిశీలించారు.