కోహ్లీ కోసం రిస్క్ చేసిన యువకుడు...

టీమిండియా కెప్టెన్ విరాట్ కోహ్లీకి తాజాగా ఓ వింత పరిస్థితి ఎదురైంది. మధ్యప్రదేశ్... ఇండోర్‌లో ఇండియా, బంగ్లాదేశ్ మధ్య జరిగిన టెస్ట్ మ్యాచ్ మూడో రోజున... ఓ వీరాభిమాని... డ్రింక్స్ బ్రేక్‌లో కంచె దూకేశాడు. పరుగులు పెడుతూ మైదానంలోకి వెళ్లిపోయాడు. తన వీపుపై VK అనీ... 18 నంబర్‌ను పెయింట్ వేసుకున్న అతడు... విరాట్ కోహ్లీ కాళ్లపై పడేందుకు ప్రయత్నించాడు. వెంటనే సెక్యూరిటీ సిబ్బంది అతన్ని పట్టుకున్నారు. వెంటనే విరాట్ కోహ్లీ... ఆ అభిమాని భుజంపై చెయ్యి వేసి... అతన్ని ఏమీ అనొద్దనీ, లైట్ తీసుకోమనీ చెప్పడంతో... ఆ అభిమాని ఫుల్ ఖుషీ అయిపోయాడు.