(Local) Thu, 18 Jul, 2019

బ‌న్నీ, త్రివిక్ర‌మ్ చిత్రం డబ్బింగ్ పనులు షూరు

July 11, 2019,   5:48 PM IST
Share on:

మాటల మాంత్రికుడు త్రివిక్రమ్‌ శ్రీనివాస్‌, స్టైలిష్‌ స్టార్‌ అల్లు అర్జున్ కాంబినేషన్‌లో హారిక హాసిని క్రియేషన్స్‌, గీతా ఆర్ట్స్‌ సంయుక్తంగా ఓ సినిమాను నిర్మిస్తున్న సంగ‌తి తెలిసిందే. ఈ సినిమాలో హీరోయిన్ గా పూజా హెగ్డే నటిస్తుండగా, రెండవ కథానాయికగా నివేదా పేతురాజ్ ను ఎంపిక చేసుకున్నారు. ఈ సినిమాలో అల్లు అర్జున్ తండ్రి పాత్రలో మలయాళ నటుడు జయరామ్ నటిస్తుండగా… సుశాంత్ కీలకపాత్రలో నటిస్తున్నారు. ఇక సత్యరాజ్, టబు, రాజేంద్ర ప్రసాద్ ఇతర ముఖ్య పాత్రల్లో నటిస్తున్నారు. బ‌న్నీ, త్రివిక్ర‌మ్ కాంబినేషన్‌లో వ‌చ్చిన జులాయి, స‌న్ ఆఫ్ స‌త్య‌మూర్తి చిత్రాలు సూప‌ర్ స‌క్సెస్ సాధించ‌డంతో తాజా ప్రాజెక్ట్‌పై భారీ అంచ‌నాలు ఉన్నాయి. ఈ సినిమాను వ‌చ్చే ఏడాది (2020) సంక్రాంతికి విడుద‌ల చేయ‌బోతున్నట్లు నిర్మాణ సంస్థ‌లు హారిక అండ్‌ హాసిని క్రియేష్స్‌, గీతాఆర్ట్స్ బ్యాన‌ర్స్ అధికారికంగా ప్ర‌క‌టించాయి. తాజాగా ఈ సినిమా పనులను చిత్రయూనిట్ చకాచకా పూర్తి చేస్తున్నారు. తాజాగా డబ్బింగ్ పనులను కూడా ప్రారంభించారు. త్రివిక్రమ్ శ్రీనివాసరావు, నిర్మాత రాధాకృష్ణ ఆధ్వర్యంలో సినిమాలోని డైలాగులకు బన్నీ డబ్బింగ్ చెబుతున్నారు. ఇప్పుడు ఈ పిక్స్ సోషల్ మీడియాలో హల్చల్ చేస్తున్నాయి.

సంబంధిత వార్తలు

Copyright 2018 - 2019 www.telugudaily24.com. All rights reserved.