విద్యారంగాన్ని మెరుగుపరచడంపై దృష్టి పెట్టిన వైఎస్‌ జగన్‌

వైఎస్‌ఆర్‌ నవశకం పేరిట విద్యార్థులకు ప్రభుత్వం ఫీజు రియింబర్స్‌మెంట్‌ కార్డులు జారీ చేయనున్నారు. అర్హులైన విద్యార్థులకు రీయింబర్స్‌మెంట్‌ మొత్తాన్ని నేరుగా విద్యార్థుల బ్యాంకు ఖాతాలకు జమ చేసేలా ప్రభుత్వం ఆదేశాలు జారీ చేసింది. జగనన్న వసతి దీవెన కింద ఐటీఐ విద్యార్థులకు ఏడాదికి రూ.10వేలు, పాలిటెక్నిక్‌ విద్యార్థులకు రూ.15వేలు, డిగ్రీ విద్యార్థులకు ఏడాదికి రూ.20 వేలు చెల్లించనున్నారు. అర్హులైన విద్యార్థుల తల్లి బ్యాంకు ఖాతాలకు రెండు విడతలుగా చెల్లించనున్నారు. ఈ రెండు పథకాలు వర్తించాలంటే కనీసం 75 శాతం మేర హాజరు తప్పనిసరిగా ఉండాలని తెలిపారు.