రేపే కార్తి ‘దొంగ’ ఆడియో ఫంక్షన్...

తమిళ్ స్టార్ హీరో కార్తీ ఖైదీ చిత్రాన్ని తమిళంలోనూ, తెలుగులో విడుదల చేసి బ్లాక్ బస్టర్ హిట్ ని సొంతం చేసుకున్నాడు. తాజాగా కార్తీ హీరోగా 'తంబీ' చిత్రంలో నటిస్తున్న సంగతి తెలిసిందే. ఈ చిత్రాన్ని తెలుగులో 'దొంగ' టైటిల్ తో విడుదల చేయబోతున్నారు. ఈ మూవీలో కార్తీకి వదిన, సూర్య సతీమణి జ్యోతిక కీలక పాత్రలో నటిస్తున్నారు. వయాకామ్‌ 18 స్టూడియోస్‌, ప్యారలల్‌ మైండ్స్‌ ప్రొడక్షన్‌ పతాకాలపై జీతు జోసెఫ్‌ దర్శకత్వంలో రూపొందుతున్న ఈ ‘దొంగ’ ఫస్ట్ లుక్ ను ఇటీవలే హీరో సూర్య, టీజర్ ని కింగ్ నాగార్జున రిలీజ్ చేయగా ట్రెమండస్ రెస్పాన్స్ వచ్చింది. ఇటీవ‌ల విడుద‌ల చేసిన సెకండ్ లుక్ కి కూడా మంచి రెస్పాన్స్ వ‌చ్చింది. కాగా ఈ చిత్ర ఆడియోను రేపు విడుద‌ల చేయ‌నున్న‌ట్టు చిత్ర‌యూనిట్ తెలిపింది. ఈ వేడుకకు నాగార్జున ముఖ్య అతిథిగా హాజరయ్యే అవకాశాలున్నాయి.  అన్ని కార్య‌క్ర‌మాలు పూర్తి చేసుకుని ఈ మూవీ డిసెంబ‌ర్ లో ప్ర‌పంచ‌వ్యాప్తంగా విడుద‌ల చేయ‌నున్నారు. ఈ సినిమాలో యాంగ్రీ హీరో కార్తీ, జ్యోతిక, సత్యరాజ్‌ ముఖ్యపాత్రలు పోషిస్తున్న ఈ చిత్రానికి సినిమాటోగ్రఫీ: ఆర్‌.డి.రాజశేఖర్‌, సంగీతం: గోవింద్‌ వసంత, నిర్మాతలు: వయాకామ్‌ 18 స్టూడియోస్‌, సూరజ్‌ సదానా, దర్శకత్వం: జీతు జోసెఫ్‌.