(Local) Mon, 09 Dec, 2019

గిరిజన ప్రాంతాలలో ఏకలవ్య స్కూళ్లు - రేణుకా సింగ్ సరుత

November 29, 2019,   4:52 PM IST
Share on:
గిరిజన ప్రాంతాలలో ఏకలవ్య స్కూళ్లు - రేణుకా సింగ్ స ...

షెడ్యూల్డు తెగలకు చెందిన వారి పిల్లలకు నాణ్యమైన విద్యను అందించే దిశగా కేంద్ర ప్రభుత్వం పావులు కదుపుతోంది. ఇందుకు ఏకలవ్య పాఠశాలలను ఏర్పాటు చేయాలని నిర్ణయించారు. నవోదయ విద్యాలయ ప్రమాణాలతో ఏకలవ్య స్కూళ్లను నడపాలని నిర్ణయించినట్లు కేంద్ర గిరిజన వ్యవహారాల శాఖ మంత్రి రేణుకా సింగ్ సరుత రాజ్యసభలో ప్రకటించారు.

2022 నాటికి కనీసం 20వేల మంది ట్రైబల్ విద్యార్థులకు నాణ్యమైన విద్య అందించడమే ధ్యేయంగా కేంద్ర ప్రభుత్వం చర్యలు తీసుకుంటోందని రాజ్యసభలో లిఖిత పూర్వకంగా ఇచ్చిన సమాధానంలో సరుత స్పష్టం చేశారు. ఎస్టీ జనాభాలో 50 శాతం విద్యార్థులకు నాణ్యమైన విద్య అందించడమే ప్రభుత్వ లక్ష్యమని పేర్కొన్నారు. 

ఏకలవ్య మోడల్ రెసిడెన్షియల్ స్కూళ్ల (ఈఎంఆర్‌ఎస్)లో నవోదయ విద్యాలయాల్లో ఉండే అన్ని ప్రమాణాలు ఉంటాయని చెప్పారు. అదే విధంగా సదుపాయాలు కూడా కల్పించనున్నామని వివరించారు. ఒక్కో పాఠశాల నిర్మాణానికి రూ 20 కోట్లు కేటాయించాలని నిర్ణయించామని .. ఈశాన్య రాష్ట్రాల్లో మావోయిస్టు ప్రభావిత ప్రాంతాల్లోని స్కూళ్లకు అదనంగా 20 శాతం వెచ్చించనున్నట్లు కేంద్ర మంత్రి రేణుక వివరించారు. 

2019-20 బడ్జెట్‌లో ఈఎంఆర్‌ఎస్‌కు సంబంధించి రూ 765.08 కోట్లను కేటాయించామని మంత్రి తెలిపారు. ఒక్క జార్కండ్‌లోనే 46 ఈఎంఆర్‌ఎస్ పాఠశాలలను మంజూరు చేసినట్లు మంత్రి స్పష్టం చేశారు.  

సంబంధిత వర్గం
ప్రియాంక పై దారుణానికి పాల్పడిన వారిని వేటాడి శిక్ ...
ప్రియాంక పై దారుణానికి పాల్పడిన వారిని వేటాడి శిక్ ...
ఉప ఎన్నికల్లో తృణమూల్ కాంగ్రెస్ ఘన విజయం
ఉప ఎన్నికల్లో తృణమూల్ కాంగ్రెస్ ఘన విజయం

Copyright 2018 - 2019 www.telugudaily24.com. All rights reserved.