చినజీయర్ స్వామికి లేఖ రాస్తా: జగ్గారెడ్డి

తన వద్దకు వచ్చే ధనిక భక్తులతో చినజీయర్ స్వామి క్యాన్సర్ పేషంట్ల కోసం ట్రస్ట్ ఏర్పాటు చేయించాలని సంగారెడ్డి ఎమ్మెల్యే జగ్గారెడ్డి అన్నారు . ఈ విషయంపై చినజీయర్ స్వామితో పాటు కేసీఆర్ కు లేఖ రాస్తానని స్పష్టం చేశారు. ప్రజా ఆరోగ్యంపై ప్రభుత్వంపై వెంటనే స్పందించాలని లేకుంటే ఉద్యమిస్తానని పేర్కొన్నారు. స్లమ్ ఏరియాల్లో ప్రజలు డెంగ్యూ బారిన పడి ప్రాణాలు కోల్పోతున్నారని, ప్రైవేట్ ఆస్పత్రుల్లో కూడా రోగులకు బెడ్ లు దొరకని పరిస్థితులు కనిపిస్తున్నాయన్నారు. రోగాలతో ప్రజలు ప్రైవేట్ ఆస్పత్రులకు వెళ్తే వేలకు వేలు బిల్లులు వేస్తున్నారని, దీంతో ప్రజలు అప్పుల పాలు అవుతున్నారని ఆవేదన వ్యక్తం చేశారు.