(Local) Tue, 17 Sep, 2019

ప్రభుత్వంపై తప్పుడు ఆరోపణలు చేస్తున్న కాంగ్రెస్ - గుత్తా సుఖేందర్ రెడ్డి

August 22, 2019,   3:26 PM IST
Views: 54
Share on:
ప్రభుత్వంపై తప్పుడు ఆరోపణలు చేస్తున్న కాంగ్రెస్ -  ...

తెలంగాణలో ప్రజలను, సాగునీటి ప్రాజెక్టులను కాంగ్రెస్ నేతలు ఏనాడు పట్టించుకోలేదని టిఆర్‌ఎస్ ఎంఎల్‌సి గుత్తా సుఖేందర్ రెడ్డి  ధ్వజమెత్తారు. అధికారంలో ఉన్నప్పుడు ప్రజా సమస్యలు పట్టని కాంగ్రెస్ నేతలకు ఇప్పుడు ప్రజలు, ప్రాజెక్టులు గుర్తుకు రావడం విడ్డూరంగా ఉందని ఆయన పేర్కొన్నారు. టిపిసిసి చీఫ్ ఉత్తమ్ కుమార్ రెడ్డి టిఆర్‌ఎస్ ప్రభుత్వంపై తప్పుడు ఆరోపణలు చేస్తున్నారని గుత్తా దుయ్యబట్టారు. ఎస్‌ఎల్‌బిసి టన్నెల్‌పై కూడా ఉత్తమ్ తప్పుడు ప్రకటనలు చేస్తున్నారని ఆయన మండిపడ్డారు.

ఎస్‌ఎల్‌బిసి ప్రాజెక్టులో మోబిలైజేషన్ అడ్వాన్స్‌లలో కమీషన్లు పొందిన అవినీతి చరిత్ర కాంగ్రెస్ నేతలదని ఆయన పేర్కొన్నారు. తెలంగాణ ప్రభుత్వం వచ్చిన తరువాత ఎస్‌ఎల్‌బిసికి నిధులు విడుదల చేసి పనులను వేగవంతం చేశామని గుత్తా చెప్పారు. సిఎం కేసీఆర్ రైతు పక్షపాతి అని, సాగునీటి ప్రాజెక్టులు పూర్తి చేసేందుకు అంకితభావంతో పని చేస్తున్నారని ఆయన పేర్కొన్నారు. ఉత్తమ్, కోమటి వెంకటరెడ్డిలు నిబద్ధత, స్థిరత్వం, నీజాయితీ లేని నాయకులని ఆయన ఎద్దేవా చేశారు. పూటకో మాట చెబుతూ కాంగ్రెస్ నేతలు కాలం వెళ్లదీస్తున్నారని గుత్తా పేర్కొన్నారు. ఉత్తమ్ కుమార్ రెడ్డి తప్పులు చేస్తూ నీతులు చెబుతున్నారని మండిపడ్డారు.

సంబంధిత వర్గం
మోడీకి జన్మదిన శుభాకాంక్షలు తెలిపిన కేసీఆర్ 
మోడీకి జన్మదిన శుభాకాంక్షలు తెలిపిన కేసీఆర్ 

Copyright 2018 - 2019 www.telugudaily24.com. All rights reserved.