(Local) Mon, 21 Oct, 2019

ఇక నుంచి ల్యాండ్ లైన్ నెంబర్ తో కూడా వాట్సాప్

September 12, 2019,   1:52 PM IST
Share on:
ఇక నుంచి ల్యాండ్ లైన్ నెంబర్ తో కూడా వాట్సాప్

మొబైల్ నంబర్ లేకుండా వాట్సాప్ ను ఉపయోగించడం కూడా సాధ్యమేనా? ల్యాండ్ లైన్ తో కూడా వాట్సాప్ ను ఉపయోగించవచ్చా?. మీ దగ్గర మొబైల్ నంబర్ ఉంటే దాని ద్వారా వాట్సాప్ లో అకౌంట్ క్రియేట్ చేసి ఉపయోగించవచ్చు. ఈ విషయం చిన్నపిల్లలకు కూడా తెలుసు. మరి మీ మొబైల్ నంబర్ తెలియకుండా వాట్సాప్ వాడాలనుకుంటే.. దానికి కూడా ఒక మార్గం ఉంది. కానీ దానికి మీ దగ్గర ఒక ల్యాండ్ లైన్ ఉండాలి. అది పని చేస్తూ ఉండాలి. మరి ఆ నంబర్ సాయంతో వాట్సాప్ వాడాలంటే కింద చెప్పిన వాటిని వరుసక్రమంలో చేయండి.

1. ల్యాండ్ లైన్ నంబర్ ఉన్న ఫోన్ ను అందుబాటులో ఉంచుకోండి.
2. అనంతరం ప్లేస్టోర్ నుంచి వాట్సాప్ బిజినెస్ యాప్ ను డౌన్ లోడ్ చేయాలి.
3. ఒక్కసారి వాట్సాప్ ఇన్ స్టాల్ అయ్యాక ఓటీపీ ఆధారిక రిజిస్ట్రేషన్ ప్రక్రియ ప్రారంభం అవుతుంది.
4. అక్కడ మీరు దేశంగా ఇండియాను ఎంచుకోవాలి. అప్పుడు ఆటోమేటిక్ గా భారతదేశ కోడ్ అయిన +91 కనిపిస్తుంది.
5. ఇప్పుడు ఎస్టీడీ కోడ్, తర్వాత మీ ల్యాండ్ లైన్ నంబర్ ను అక్కడ ఇవ్వండి. కానీ మీ ఎస్టీడీ కోడ్ ముందు 0 ను తీసివేయాలి. ఉదాహరణకు మీ ఎస్టీడీ కోడ్ 080, ల్యాండ్ లైన్ నంబర్ 12345678 అయితే మీరు అక్కడ ఫోన్ నంబర్ దగ్గర 8012345678 ఇవ్వాలి. ఎందుకంటే భారతదేశ కోడ్ గా మీరు ఇప్పటికే +91 ఇచ్చేశారు కాబట్టి అదనంగా 0 ఇవ్వక్కర్లేదు.
6. మీరు నంబర్ ఇచ్చిన అనంతరం వాట్సాప్ బిజినెస్ మీ నంబర్ కు ఒక ఓటీపీ పంపుతుంది. కానీ మీరు ఇచ్చింది ల్యాండ్ లైన్ నంబర్ కాబట్టి మీకు ఓటీపీ రాదు. అక్కడ ఓటీపీకి ఇచ్చిన టైమ్ ఎక్స్ పైర్ అయ్యేవరకు ఆగి ఓటీపీ కోసం ‘కాల్ మీ’ ఆప్షన్ ని క్లిక్ చేయండి.
7. ఇప్పుడు మీ ల్యాండ్ లైన్ నంబర్ కు ఒక కాల్ వస్తుంది. ఓటీపీని ఆ కాల్ ద్వారా మీకు తెలుపుతారు.
8. ఓటీపీని ఎంటర్ చేయండి. తర్వాత ప్రక్రియ అంతా ఇంక మామూలుగానే ఉంటుంది.
9. ప్రక్రియ మొత్తం పూర్తయ్యాక మీరు మీ ల్యాండ్ లైన్ నంబర్ తో వాట్సాప్ ను ఉపయోగించుకోవచ్చు.

కాకపోతే ల్యాండ్ లైన్ ద్వారా వాట్సాప్ ను ఉపయోగించడం కాస్త కష్టంగా ఉంటుంది. ఎందుకంటే మీ కాంటాక్ట్ లిస్ట్ ను మీరు మళ్లీ యాడ్ చేసుకోవాలి. కానీ మీకు ఇందులో ప్రైవసీ లభిస్తుంది. అంతేకాకుండా మీరు ఆటోమేటెడ్ రిప్లైలను సెట్ చేసుకోవచ్చు. అంటే కొన్ని మెసేజ్ లకు మనం ముందుగా సెట్ చేసిన రిప్లై దానంతట అదే వెళ్లిపోతుంది. వాట్సాప్ బిజినెస్ యాప్ ద్వారా మీరు మెసేజీలను కూడా బాగా నిర్వహించుకోవచ్చు.

సంబంధిత వర్గం

Copyright 2018 - 2019 www.telugudaily24.com. All rights reserved.