(Local) Tue, 17 Sep, 2019

సిద్దరామయ్య వల్లే ఇలా జరిగింది - దేవేగౌడ

August 23, 2019,   4:08 PM IST
Views: 68
Share on:
సిద్దరామయ్య వల్లే ఇలా జరిగింది - దేవేగౌడ

కర్నాటకలో జెడిఎస్- కాంగ్రెస్‌తో కలిసిన ఏర్పడిన కుమార స్వామి ప్రభుత్వం కూలిపోవడానికి కాంగ్రెస్ నేత, మాజీ ముఖ్యమంత్రి సిద్ధ రామయ్య కారణమని జెడిఎస్ సీనియర్ నేత, మాజీ ప్రధాని దేవగౌడ ఆరోఫణలు చేశారు. శుక్రవారం దేవగౌడ మీడియాతో మాట్లాడారు. కుమార స్వామి సిఎం అయినప్పటి నుంచి సిద్దరామయ్య రాజకీయంగా ఇబ్బందులకు గురి చేశాడన్నారు. సిద్ధరామయ్యపై అధిష్టానానికి నమ్మకం లేకపోవడంతో కాంగ్రెస్‌కు ఎక్కువ సీట్లు వచ్చినా జెడిఎస్ నేత కుమార స్వామి ముఖ్యమంత్రిగా ఉండాలని సోనియా గాంధీ, రాహుల్ గాంధీ తనతో మాట్లాడారని తెలిపారు. కానీ ఈ ప్రభుత్వం ఎక్కువ రోజులు ఉండదని అప్పుడే అనుకున్నాని  చెప్పారు. కుమార స్వామి ప్రభుత్వం కూలిపోయే నెల రోజుల ముందు కూడా సిద్ధ రామయ్య గ్రూప్ ఎంఎల్‌ఎలు ప్రభుత్వం కూలిపోతుందని పలుమార్లు అన్నారని దేవగౌడ గుర్తు చేశారు. జెడిఎస్ ప్రభుత్వం కూలిపోవడానికి సిద్దరామయ్య ప్రత్యక్షంగా, పరోక్షంగా సహకరించారని మండిపడ్డారు. 

దేవెగౌడ నోట పచ్చి అబద్ధాలు

సంకీర్ణ ప్రభుత్వం పతనానికి తానే బాధ్యుడినంటూ మాజీ ప్రధాని, జెడిఎస్ అధినేత హెచ్‌డి దేవెగౌడ, ఆయన కుమారుడు, మాజీ సిఎం హెచ్‌డి కుమారస్వామి చేసిన ఆరోపణపై మాజీ ముఖ్యమంత్రి, కాంగ్రెస్ సీనియర్ నాయకుడు సిద్దరామయ్య మండిపడ్డారు. శుక్రవారం ఆయన విలేకరులతో మాట్లాడుతూ దేవెగౌడ తనపై చేసిన ఆరోపణలను ఖండిస్తున్నానని చెప్పారు. గౌడ కుటుంబం తనను ద్వేషిస్తోందని, రాజకీయంగా తనను అంతం చేయాలని చూస్తోందని సిద్దరామయ్య ఆరోపించారు. తనను బయటకు పంపించి కాంగ్రెస్‌ను అంతం చేయాలన్నదే వారి ఆలోచనని, అటువంటి పాత ఎత్తుగడలకు గౌడ పేరుపొందారని ఆయన వ్యాఖ్యానించారు. టెలిఫోన్ ట్యాపింగ్ వ్యవహారంపై ముఖ్యమంత్రి యడియూరప్ప సిబిఐ దర్యాప్తునకు ఆదేశించారని, దీంతో భయపడిపోయిన దేవెగౌడ తన కుమారుడిని కాపాడుకునేందుకు ప్రధాని మోడీ, కేంద్ర హోంమంత్రి అమిత్ షాను కీర్తిస్తున్నారని ఆయన ఆరోపించారు.

సంబంధిత వర్గం
కర్నాటకలో  బీజేపీ ఎంపీకి ఘోర అవమానం
కర్నాటకలో బీజేపీ ఎంపీకి ఘోర అవమానం
కర్నాటక బిజెపి అధ్యక్షుడిగా ఎంపి నళిన్ కుమార్
కర్నాటక బిజెపి అధ్యక్షుడిగా ఎంపి నళిన్ కుమార్

Copyright 2018 - 2019 www.telugudaily24.com. All rights reserved.